Wednesday, February 29, 2012
Friday, October 14, 2011
Rockstar (රොක් සංගීත තරුව)
ඇගයීම : *** (3/5)
රංගනය : රන්බිර් කපූර් , නර්ගිස් ෆක්රි
Genre: Romantic Drama
සුපිරි තරුවක් වෙන්න පුලුවන් ලස්සන, ඇහට කනට පේන කොල්ලොන්ට විතරද?
සාමාන්ය , සමාජේ කියන විදියට මෝඩ පෙනුමක් තියෙන කොල්ලෙක්ට මුලු ලෝකෙම ආදරේ කරන සුපිරි තරුවක් වෙන්න පුලුවන්ද?මෙහි කතාව කෙටියෙන් මෙලෙස කියන්නම්.
ජනර්ධන් ඉන්දියාවේ දිල්ලියේ හැදුනු වැඩුනු මධ්යම පාන්තික තරුණයෙකි.ඔහුගේ ජීවිතයේ එකම හීනය ජිම් මොරිසන් මෙන් රොක්ස්ටාර් කෙනෙකු වීමයි.නමුත් ඔහුගේ ගායනයට නිතරම ලැබෙන්නේ ප්රේක්ෂකයන්ගේ අවමන් පමණි.අවසානයේ ඔහුට කලයුතු දේ සිතාගත නොහැකිව යනවා.ඔහු උස්තාද් ජමීල් ඛාන් (ශම්මි කපූර්) යන ගායකයාගේ ඇසුර ලබන අතර සෑම සංගීත තරුවක්ම සතු පොදු ලක්ෂණය හඳුනා ගනියි. ඒ ඔවුන් සියල්ලන්ගේම සාර්තකත්වය පිටුපස දුක්බර කතාවක් තිබීමයි.නමුත් ජනර්ධන් හට දුක්බර ජීවිතයකට යොමු වීමට කිසිදු හේතුවක් තිබුනේ නැත.එම නිසා ඔහු ඔහුගේ ජීවිතයට, ආත්මයට තමන් විසින්ම වධ හිංසා පමුණුවා ගැනීමට සිතා ගනී.මේ සඳහා හීර් කෝර්( නර්ගිස් ෆක්රි ) ව යොදා ගනී. හීර් කෝර් ඔහු ඉගනුම ලබන විද්යාලයේ අතිශය ජනප්රිය සිසුවියකි.ඇය ලස්සනයි, දක්ෂයි, මාන්නධිකයි,පොහොසත්. ඒ වගේම බොහෝ දෙනෙකුගේ හදවත් බිඳ දමා ඇත.මේ නිසාම ජනර්ධන් හීර් ලවා තමාගේ හදවත බිඳ දමා ගැනීමට සූදානම් වේ.තමාගේ හදවත වේදනාවට ලක් කර ගැනීමේ අරමුනින් ඔහු හීර් ගේ ආදරය පතනවා.
රොක්ස්ටාර් යනු, ජනර්ධන් ජෝඩන් වීමේ කතාවයි.ඔහු ජොඩන් බවට පත් වන්නේ දුක් කම් කටොලු වධ වේදනා මැදය.සරල සාමාන්ය ජීවිතයක සිට හිංසා වේදනා වලට බඳුන් වුනු ආත්මයක් ආරූඩ කරගැනීමේ කතාවයි.ඔහු අවසානයේ තම හදවත කුඩා කල සිට ආශා කල අරමුණ ඉටු කර ගනී.එහෙත් එම අරමුණ මුදුන් පත් කර ගැනීමට ඔහු තම හදවතම සිඳ බිඳ දමයි.
රොක්ස්ටාර් සියලු බොලිවූඩ් රසිකයන්ට ඉතා වැදගත් වීමට තව ප්රධාන හේතු දෙකක් තියෙනවා.
එකක් තමයි ශම්මි කපූර් කියන පසුගියද අප අතරින් වියෝවුනු බොලිවුඩයේ සද්දන්ත නළුවා අවසන් වරට මෙහි රඟපා තිබීමත් බොලිවූඩයේ මහා සංගීතවේදියා වන ඒ.ආර්. රහමාන් විසින් සංගීත අධ්යක්ශනය කර තිබීමත්ය.
Tuesday, October 4, 2011
Mausam (ඍතු)
ඇගයීම : *** (3/5)
රංගනය : ෂාහිඩ් කපූර්, සෝනම් කපූර්
Genre: Romantic Drama
මෙම චිත්රපටිය කාලෙකින් දකින්න ලැබුනු ආදර කතාවකි. මෙම චිත්රපටිය මුලිකවම ගෙතෙන්නේ Harinder Singh හෙවත් Harry යන පන්ජාබි තරුණයා හා Aayath යන කාශ්මීරි තරුණිය වටාය.මෙහි මොවුන් දෙදෙනාගේ ජීවිතයේ වසර 10ක් තුල සිදුවන ලංවීම්, වෙන්වීම් මෙන්ම බාහිර ලෝකයෙන් ඔවුන්ට එල්ල වන අභියෝග පිලිබඳව වඩා නාට්යමය අන්දමින් පෙන්වයි.
මෙහි ප්රධාන චරිත නිරූපනය කරන්නේ ජනප්රිය නලු ෂාහිඩ් කපූර් හා විලාසිතා රැජින ලෙස ප්රකට සෝනම් කපූර් වේ.මෙම චිත්රපටිය ෂාහිඩ් කපූර් ගේ පියා වන පන්කජ් කපූර් ගෙ කුළිඳුල් චිත්රපටිය වේ.
මෙහි සංගීතය ප්රීතම් විසින් නිර්මානය කරන ලද අතර මෙහි "රබ්බා" හා "සජ් ධජ් කෙ" යන ගීත ඉතා ජනප්රිය විය.
ෂාහිඩ් හා සෝනම් කපූර් ට අමතරව අනුපම් ක්හෙර්, සුප්රියා පතක් , අදිති ෂර්මා මෙහි රංගනයෙන් දායක වේ..ඉන්දියාවේ හා ස්කොට්ලන්තයේ රූපගත කරන ලැබූ අතර මෙහි රූප අතිවිශිශ්ට ලෙස කාච ගත කොට ඇත.
Sunday, October 2, 2011
Ra One (රා වන්)
ඇගයීම : *** (3/5)
රංගනය : Shahrukh Khan, Kareena Kapoor
Genre: SCI-FI, ත්රාසයජනක , විනෝදාත්මක
පිය-පුතු සබඳතාව වටා ගෙතුනු කතාවකි.ශේකර් සුබ්රමනියම්, එංගලන්තයේ London වල පදිංචි Video Game නිර්මානකරුවකි.ඔහු තම බිරිද සෝනියා හ පුතු ප්රතීක් සමග ජීවත් වේ.මෙහිදි ඔහු තම පුතු වෙනුවෙන් නිර්මානය කරන Video game එක සැබෑ ජීවියතට පැමින ක්රීඩා කිරිම මගින් ඔවුන්ගේ ජීවිත වෙනස් කරයි.
මෙම චිත්රපටිය සදහා විශාල තාක්ෂනික ශිල්පීන් හා ප්රයෝග යොදා ඇත.මෙය ඉන්දියානු සිනමාවේ වැඩිම වියදමක් දරන ලද චිත්රපටිය ලෙස සැලකේ.
මෙම චිත්රපටිය අධ්යක්ෂනය කරනු ලබන්නේ Anubhav Singha විසිනි.මෙහි Shahrukh Khan ට අමතරව ජනප්රිය නිලි Kareena Kapoor සොනියා ලෙසද, Arjun Rampal Ra One යන දුශ්ට චරිතයද රඟ දක්වයි.මෙහි Shahrukh Khan ශේකර් හා G one යන චරිත දෙකම රඟ දක්වයි.
මොවුන්ට අමතරව Armaan Verma,Tom Wu, Shahana Goswami,Dalip Tahil, Sathish Shah ඇතුලු විශාල නලු නිලි පිරිසක් මෙයට දායක වේ.විශේෂයෙන්ම මෙහි ආරාධිත රංගනයෙන් සුපිරි නලු Rajini Kaanth,Sanjay Dutt හා Priyanka Chopra දායක වේ.
මෙම චිත්රපටිය සදහා Vishal-Shekar සංගීතය සපයන අතර මෙහි ගීත දෙකක්ම ජනප්රිය ගායක Akon විසින් ගායනා කර ඇත.මෙහි ගීත මේ වන විට ලොව පුරා ඉහල ජනප්රියතාවයට පත්ව ඇත.
මෙම චිත්රපටිය ඉන්දියානු සිනමාව එක් පියවරක් ඉදිරියට තැබීමක් ලෙස හැදින්වේ.
